चैत ९ लाई रिलिज मिति तय गरिएको मञ्जरी फिल्मको 'के हुदैछ कुन्नी' बोलको गीतको सिआरबीटीबाट संकलन हुने ५० प्रतिशत रोयल्टी रकम अनाथालयलाई दिईने सहमति भएको छ ।
प्रोड्यूसर नरेश देव पाण्डेका अनुसार भक्तपुर काँडाघारीमा रहेको फिउचर होप अर्गनाईजेशनको भवन निर्माणका लागि सिआरबिटीबाट उठ्ने रकम सहयोग स्वरुप दिईने बिषयमा हिजो सहमति भएको हो । 'समाज सेवाका लागि पनि हो फिल्म निर्माण तसर्थ हामीले यस्ता अभियानमा थोरै भए पनि सहभागिता जनाएका हौ,' उनले भनेका छन् । पाण्डेले माघ एक गते थप एक अनाथालयका बालबालिकाहरु माझ भेटघाटको कार्यक्रम गर्दै सोही कार्यक्रबाट आफ्नो फिल्मको विभिन्न पोष्टर रिलिज गर्ने तयारी समेत भईरहेको बताएका छन् ।
गणेश देव पाण्डेको निर्देशनमा बनेको मञ्जरी फिल्म बुटवलमा घटेको एक सत्य घटनामा आधारित रहेको बताईएको छ । जसमा गौरव पहारी र सुजाता कोईराला लिड रोलमा फिचर भएका छन् । अनाथालयको भवन निर्माणका लागि सहयोग गरिएको गितको सिआरबीटी सहित अन्य गितको सिआरबीटी नम्बर लिष्ट यसप्रकार छ ।
No comments:
Post a Comment